الى من تعلمت على يديها ان احب

تعبتينى ملكتينى اسرتينى
يابنت الايه
بحبك بس مش عارف
بحبك ليه
عشان
صوتك وضحكاتك
عشان
همسك ونظراتك
عشان
تسبيله من رمشك
انا سلمت
واستسلمت
على العمر الى ضاع
من غيرك انتى
ندمت
واعمل ايه
بموت فيكى واعيش ليكى
يفوت عمرى وانا عمرى فدى عنيكى
ولو مره
يكون موتى على ايدك
انا راضى
بحبك حب مش عادى
بحبك ليه
ماهو قلبى
سبقنى وقالى بيحيك
ماهوش ذنبى
لكن ذنبك
عرفت الفرحه وانا جنبك
خاصمنى النوم كده بسببك
بفكر فيكى ليل ونهار
وابات محتار
اسير افكار
تخدنى شويه وتجيبنى
ف بالها ولا نسيتنى
حبيبتى
يامجنونه ف افكارك
انا راضى اعيش مجنون
وانا جارك
ياطيب حد انا عرفته
انا صاحبك انا سرك واسرارك
لو اقدر بس
لكنت
جريت على دارك
احطم كل اسوارك
وايدى تدق على بابك
تهل بسرعه انوارك
اشوف نظره بتسبيله
واعمل الف هليله
ترد الروح كده فيا
وألف الف اغنيه
عشان خاطرك
ياتسنيمه ياترنيمه ياغنوه شوق
ياجمل واحده ف الدنيا
ف تانيه حقوق
انا دايب
ومش هايب
واجمل نجمه ف السموات
عشان خاطرك هكون جايب
بحبك