يستاهل الموت البطئ

يستاهل الموت البطئ

كل من حارم ولاده من الحنان

كل من أمنه صديقه لكنه خان

كل من قال شهاده زور

لجل إنه يدين برئ

يستاهل الموت البطئ

اللى زانى

وإللى جانى

وإللى يقتل فى الأمانى

إللى مات ضميره ومابيصحى لثوانى

إللى شاف مصيبه وزودها حريق

يستاهل الموت البطئ

إللى بات شبعان وجاره الجوع بياكله

إللى لجل شيطانه باع ناسه وأهله

إللى ساب محتاج ندهله

سابه مرمى فى وسط ضيق

يستاهل الموت البطئ

كل من يخدع قلوب

كل من يهوى الذنوب

إللى جاتله الف فرصه عشان يتوب

لكنه راضى فى بحر ذنبه

يموت غريق

يستاهل الموت البطئ

كل من حلل لنفسه مال يتيم

كل من ناسى حسابه فى يوم عظيم

كل من سب الزمان

كل من كان للشيطان

ديما رفيق

يستاهل الموت البطئ