روح اى قسم و شوف اخر موضوع و ضيفله رد كده هتخيليه يرجع فى الاول تانى و تبئى البت القسم من فوق لتحت و خليت المشرف يشد فى شعره
امسك واحد مشرف و علق عليه كل شوية تبعتله رسايل خاصة تألو الموضوع دا جميل ثبته الله يخليك و الموضوع دا رخم شيله الله يخليك و يسلام لو كان مشرف جديد كده هتخليه يندم على اليوم الى ابل فيه انو يبأى مشرف
شوف اى موضوع و انسخه و حته فى نفس المنتدى وفى نفس القسم بسرعة و اكتب عليه فكره مبتكره و متنساش تقدم شكاوى ان العضو صاحب الفكرة الحقيقية انو سرق موضوعك
شوف اى مشرف جديد و اكتب فيه شكاوى و ان دا ظلم و متنساش تكتب كلمة (كوسة) و انو مسنود من المراقبين و المشرفين وان المنتدى كله وسايط
اكتب مواضيع ملهاش اى دخل بالقسم يعنى مثلاً اكتب موضوع رياضى فى القسم الاسلامي و اوعا تنسى تكتب ارجو التثبيت
اطلب من الادارة تحتك عضو فعال و كل يوم اكتب تظلم لو محدش عبرك
اكتب موضوع فى قسم الشكاوى اسمه (الحقونى يا شبااااااااااااااااااااااااااااااب ) تبعاً هيجيلك المشرفين و المرقبين جرى يكون موضوعك عن غلطة املائية فى موضوع عضو تانى
ادخل كل موضوع و اكتب (كأنى شايفه فى منتدى تانى) وبكده هتفهم الناس ان المواضيع كلها مسروقة
ادخل على اى موضوع مثبت و اكتب عليه ارجو الرفع
اتمنى ان محدش يرزل على المنتدى دا علشان لو كل عضو خدله فكره للرزاله المنتدى دا هيبأى اخره بعد بكره و هيتأفل
ارجو ان ينال اعجابكم و شكراً
موضوع: الرزالة فى المنتديات 
الأربعاء فبراير 17, 2010 12:54 pm
