و نقول ألووووو ...
ألووو هاى أسامة .. عامل ايه؟ أنا منى
هاى يا منى و أنا أوسامة
هاى أسامة .. عامل ايه؟ واحشنى موت طحن تقطيييع
مرسى يا منى .. ربنا يخليكى
أنا مبسوطة أوى يا أسامة انى عرفت أكلمك .. دانا بمووووت فيك
ربّنا يخليكى يا منى ... عندك كام سنة؟
تمنتاشر سنه
بتدرسى؟
أكيد ..أنا ف سنة أولى انجليش أكاديمي .. بيزنس أند أدمينستريشن و عندى مشكلة جامدة أوى
أنا محتاجة أوى سدر حنين أفدفدلة .. و انت قريب أوى منى
خير يا منى؟ أولا أنتى مخطوبة؟
لأ أنا مرتبطة .. كنت أعرف واحد من سبع سنين و كنا بنحب بعض خالص و اتفقنا عالجواز .. أصله كان راجل أوى .. و عنده بى ام .. .. مش قادرة أقولك أد ايه..
أد ايه يا منى؟
مش قادرة .. مش قادرة
ايوه ايوه وبعدين؟
لقيته بيحب أنتيمتى و لقيت على موبايله ماسجات منها .. و لما واجهته أنكر و قال انها هى اللى عايزه تكلمه بالعافية و حاول يفهمنى أنو برىء
اهاااااا و بعدين؟
فى الوقت ده أنهرت .. قوي مووت يا اسامة و هو كان عنده صاحبه الأنتيم – بصراحة شاب ممتاز : ابن ناس و بيروح جولدين جيم ....و عنده إبيزا .....– هو مرة قبل كده كان بص لى .. و كانت عينيه بتقول حاجة .. اتصلت بيه و طلبت انه يقابلنى عشان يساعدنى فى المشكلة .. بصراحة ارتحت له أوى أوى و قابلته بعد كده كام مرة
طب و الأولانى يا منى؟
كنت برتاحله برضه و بقابله .. عادى
أوكى .. مفهوم مفهوم .. و بعدين؟
و بعدين التانى أبتديت أتعلق بيه جدا و مكنتش بعرف أعيش من غيره .. و ف يوم جاتلى مكالمة من واحده بتقوللى انه مش بيحبنى و بيهرج معايا و كده .. قمت اتصدمت جدا جدا
(يبدأ صوت أسامه فى التوتور) و التانى كمان صدمك يا منى؟ ها و عملتى ايه؟
التانى كان عنده ابن خاله خرج معانا مرة و كان بيبصلى بصات غريبة كده و مرة ادانى موبايله .. فكلمته عشان أتأكد من التليفون اللى جالى ... بصراحة كان راجل أوى أوى .. مش قادرة أقولك أد ايه؟
أسامه:و عنده إيه ... قوليييييييييييييييييييلي ؟؟؟
عنده لانسر فضى بس بصراحة راجل أوى مش قادرة أقولك أد ايه
معلش يا منى يا ريت تقوليلنا بالتقريب كده .. أد ايه .. انتى أثرتى المستمعين .. أقصد أثرتى فضولهم
مالوش حل يا أسامه .. حسيت ان ابن خالة التانى قريب منى أوى و بصراحة اتعلقت بيه و مبقيتش عارفة اعيش من غيره....
طب و التانى يا منى؟ برضه كنت اتعلقت بيه أوى هو كمان
يعنى كده فى تلاته معلقينك بيهم أوى ؟
أرجوك ماتفهمنيش غلط يا أوسامه- كل واحد كان بيملى عندى فراغ معين
لا غلط ايه انا اقدر انتي بس واضح يا منى ان فراغاتك زيادة حبتين بس مش قوي يعني احكيلي احكيلي
المهم ... اتقدم لى فى الوقت ده ابن صاحب بابا .. بصراحة شاب ممتاز .. ماكنش عندى حجه عشان أرفضه
قوليلى يا منى: انتى عندك بابا؟ يعنى موجود و عايش معاكو؟
أيوه طبعا .. أنا بحب بابا و متعلقة بيه جدا ..
هووووووووووو كماااااااااااااااان؟
المهم يا أسامه .. العريس اللى متقدم لى ده مش قادرة أرفضه بيشتغل فى السعودية و جاهز و عنده 180 اس ال كى.. و أهلى بيضغطوا عليّا .. و ف نفس الوقت مش قادره أسيب التانيين .. كل واحد متعلقة بيه بطريقة شكل و كل واحد بيدينى حاجة ناقصانى .. بصراحة يا أسامه مش عارفة أعمل ايه؟
أسامه : تقريبا بصى يا منى .. العريس الوحيد اللى يصلحلك هو أبو الهول .. فيه تنوع و متكامل بس للأسف .. هو عنده مركب شمس كحلى ..
و نسمع : كان فيه بنت اسمها تررررررم
موضوع: اسامه منير ومنـــى ؟؟ 
السبت يناير 09, 2010 3:18 pm
