AhMeD fAThY lOvErS


 
البوابةالرئيسيةمكتبة الصورس .و .جبحـثالأعضاءالصورالمجموعاتالتسجيلدخول

شاطر | 
 

 حوار مع ابليس بعد تقديمه استقالته

اذهب الى الأسفل 
كاتب الموضوعرسالة
Ayosh

Ayosh

عدد المساهمات : 78
نقاط : 175
السٌّمعَة : 0
تاريخ الميلاد : 14/06/1994
تاريخ التسجيل : 14/06/2010
العمر : 24

مُساهمةموضوع: حوار مع ابليس بعد تقديمه استقالته   الإثنين يونيو 14, 2010 7:06 pm

السلام عليكم

إثر سماعنا بتقديمه استقالته كان لنا الحوار التالي مع إبليس :


كان إبليس في غرفته , يلملم ملابسه في حقيبته إلى جانب باقي متعلّقاته , وعلى

المنضدة القريبة كانت استقالته موقّعة ومختومة حسب الأصول من الجهات

المعنية , وبجوارها تقبع تيكيت وفيزا إلى الصومال..

كانت ملامح وجهه في تلك اللحظات تنطق بالحزن والكآبة والإحباط واليأس , وقلّة

الحيلة ... مع دهشة مزمنة ارتسمت عليه منذ فترة ليست بالقريبة ,

واعترافٍ بالعجز والفشل!!


إبليس راحلٌ عن بلادنا إلى غير رجعة .. فليفرح المؤمنون .....


سؤال : علي فين ياشوشو ؟ ليه بتلم حاجتك يا إبليس بيه؟


إبليس :ياراجل ماعادليش قعدة عندكم , بقالي سنين عاطل عن العمل وقرّبت اموت

من الجوع .. مالاقيش معاك سيجارة يا ريس ؟


سؤال: ومين اللي هيوسوسلنا لو سافرت وسبتنا؟


إبليس: مانتوش محتاجين لا وسواس ولا خنّاس!


كنت زمان أوسوس للواحدة تسيب ابنها يعيط وهي عماله تحكي مع جاراتها ,

دلوقتي راحوا لحالهم..

كنت أوسوس للواحد ينسى يسمّي الله قبل ما ياكل , دلوقتى الواحد مش لاقي حاجة

ياكلها أصلاً !!! وإذا لقى بيتسمم يابيتسرطن , إذا أنا إبليس واتسمّمت بكبدة

فهمى !!

كنت أوسوس لشرطي المرور يطلب رشوة من المواطن أحسن ما يخالفه , دلوقتى

بقى المواطن بيحط الرشوة فى جيب الشرطي بكل ممنونية عشان ما يديلوش مخالفه

حسب تسعيرة المخالفات الجديدة !!

كنت كمان بوسوس للشاب يرميله كلمة عالبنت وهي ماشية فى الشارع , بقت

البنات هما اللى بيعاكسوا الشباب كلام أنا نفسي اتكسف أحكيه !!

واحد بيسرق 100 مليون عينك عينك بيحبسوه 3 سنين في فيلاّ عالبحر , وإثنين

بينبشوا في مقلب زبالة تلمهم الشرطة !!


فإنتوا بذمتكم محتاجين إبليس إنتوا ؟؟؟؟


بقى عندكوا فائض بالفساد يكفّي 30 سنة لقدّام , بقيت أخاف على نفسي منكم يا

راجل !

بقيت أوسوس بالمقلوب واقول للمسؤول إرحم , وللحرامي كفاية .. خلّي شويّ

للحراميّة اللي هييجوا بعدك..

يعني إنتو بقيتوا لوحدكوا ما شاء الله بتعملوا كل البلاوي دى , أنا إبليس أعمل ايه

؟!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار مع ابليس بعد تقديمه استقالته
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
AhMeD fAThY lOvErS :: كافية كابتن احمد فتحى :: مقهى احمد فتحى-
انتقل الى: